Wieħed mill-għanijiet tar -regolament Ewropew REACH huwa s-sostituzzjoni progressiva ta’ sustanzi ta’ tħassib serju ħafna (eż. karċinoġeni) b’alternattivi aktar sikuri. Kumpaniji li jużaw dawn is-sustanzi, ifittxu b’mod attiv alternattivi aktar sikuri (sustanzi inqas perikolużi, teknoloġiji u proċessi ġodda), u jirrappurtaw dwar dawn l-alternattivi. Hawn taħt issib l-informazzjoni dwar alternattivi possibbli għat-triossidu tal-kromju, inklużi fl-applikazzjonijiet differenti għall-awtorizzazzjoni li rċeviet s’issa l-ECHA. Biex tikseb aktar dettalji, jekk jogħġbok segwi l-link għad-dossier sħiħ.
Hawn taħt tista’ ssib alternattivi possibbli għat-triossidu tal-kromju bħala aġent tal-kisi għal materjali sanitarji. L-alternattivi kollha jirreferu għat-triossidu tal-kromju deskritt hawn taħt.
Triossidu tal-kromju
- Numru KE : 215-607-8
- Numru CAS : 1333-82-0
- Użu : Użu tat-triossidu tal-kromju għall-inċiżjoni ta’ sottostrati tal-plastik bħala pass ta’ qabel it-trattament biex jippermetti l-electroplating
- Funzjoni teknika : Aġent tal-inċiżjoni
L-alternattiva l-aktar promettenti:
- Inċiżjoni bbażata fuq il-manganiż
Alternattivi Oħra:
Kumpaniji (gruppi ta’) differenti riċerkaw alternattivi possibbli biex jissostitwixxu t-triossidu tal-kromju. Anke jekk dawn l-alternattivi jistgħu ma jkunux intgħażlu għall-każ partikolari tagħhom, xorta jistgħu jkunu għażla xierqa għal każijiet oħra.
- Inċiżjoni bbażata fuq il-minerali
- Inċiżjoni ta’ likwidi joniċi
- Teknoloġiji alternattivi: poliamide, konduttività modifikata u kisi tal-grafene
Informazzjoni aktar dettaljata
L-isforzi kollha ta’ riċerka mill-kumpaniji ġew dokumentati f’rapporti. Id-dossiers tal-ECHA li ġejjin huma disponibbli dwar alternattivi possibbli għat-triossidu tal-kromju bħala aġent tal-kisi għal materjali sanitarji:
Skeda Informattiva dwar il-Kromju VI
Għal aktar informazzjoni ġenerali dwar ir-riskji tal-Kromju VI u l-miżuri li għandhom jittieħdu biex jipprevjenu l-espożizzjoni, jekk jogħġbok agħti ħarsa lejn il- folja informattiva tal-Kromju VI (disponibbli f’ħafna lingwi tal-UE).
