L-ambjent u l-problema
L-agrikoltura fl-Ewropa qed tiffaċċja sfidi u problemi dejjem akbar. Xi wħud minnhom ma jistgħux jiġu kkontrollati, bħall-ekonomija dinjija, l-estremitajiet tat-temp u t-tibdil fil-klima. Iżda l-bdiewa jistgħu jikkontrollaw il-kwistjoni tas-saħħa u s-sigurtà, pereżempju meta jaħdmu b’sustanzi perikolużi. Sustanzi perikolużi huma preżenti f’ħafna forom fl-operazzjonijiet tal-agrikoltura u l-forestrija. Pereżempju: Pestiċidi, fjuwils u kimiċi, iżda wkoll demel u fluwidi tal-annimali. Dawn is-sustanzi perikolużi jistgħu jikkawżaw avvelenament, disturbi gastriċi, kanċer, mard kroniku u mewt.
Soluzzjoni
Mhuwiex possibbli li jiġu pprojbiti s-sustanzi perikolużi kollha mill-agrikoltura fl-Ewropa. Iżda huwa importanti li l-bdiewa jkunu jafu kif jimmaniġġjaw is-sustanzi perikolużi u x’għandhom jagħmlu u x’m’għandhomx jagħmlu. Għal din ir-raġuni, il-Kummissjoni Ewropea żviluppat linja gwida msejħa: “Il-ħarsien tas-saħħa u s-sigurtà tal-ħaddiema fl-agrikoltura, it-trobbija tal-bhejjem, l-ortikultura u l-forestrija”. Din il-linja gwida tagħti informazzjoni ġenerali dwar is-saħħa u s-sigurtà, b’kapitlu speċifikament dwar sustanzi perikolużi.
Riżultati
Il-linja gwida tinforma lill-bdiewa biex jaħsbu dwar dan li ġej meta jużaw sustanzi perikolużi:
- Kun żgur li huma approvati mill-awtoritajiet nazzjonali kompetenti;
- Aqra t-tikketta u segwi l-istruzzjonijiet tal-manifattur;
- Uża tagħmir protettiv personali nadif;
- Tħallatx ma’ sustanzi perikolużi oħra;
- Tisprejjax f’kundizzjonijiet ta’ riħ jew kontra r-riħ
- Tħallix is-soluzzjonijiet mingħajr tikketta jew waħedhom.
Meta ssegwi dawn ir-regoli, ir-riskji tax-xogħol b’sustanzi perikolużi jistgħu jitnaqqsu.
Il-gwida hija disponibbli fi 22 mil-lingwi uffiċjali.
