Kull sentejn, soluzzjoni għall-immaniġġjar ta’ sustanzi perikolużi b’mod eżemplari tiġi onorata bil-premju għas-Sustanzi Perikolużi fil-Ġermanja. Din is-sena, Mirka Abrasives Germany GmbH rebħet il-premju talli ssostitwiet in-Naftalina bl-aċidu fumeriku, li jfisser is-sostituzzjoni ta’ sustanza li tikkawża l-kanċer u tossika b’sustanza li la hija karċinoġenika u lanqas tossika b’mod akut.
Mirka tipproduċi għodod li joborxu għall-magni ta’ partijiet prinċipalment metalliċi. L-għodod li joborxu jeħtieġu pori li jiġu introdotti matul l-aħħar pass tal-ħruq. Dan kien isir biż-żieda ta’ Naftalina solida li tissublima f’temperatura tal-kamra u naqqset il-proċess tal-ħruq għal 80°C. Minbarra dan il-vantaġġ, l-użu tan-Naftalina kien jeħtieġ ventilazzjoni sofistikata u l-użu ta’ tagħmir protettiv personali minħabba li s-sustanza hija suspettata li tikkawża l-kanċer u tagħmel il-ħsara jekk tinbela’. L-alternattiva tal-aċidu fumeriku la hija karċinoġenika u lanqas tossika b’mod akut u mill-aspett ta’ periklu hija alternattiva preferuta. Teħtieġ temperatura ogħla ta’ madwar 200°C biex tevapora, iżda tnaqqas il-ħtieġa għal aktar miżuri ta’ tnaqqis tar-riskju. Dan huwa konformi mal-ġerarkija ta’ kontroll u għalhekk ġie ppremjat.
Ara hawnhekk il-filmat li jiġbor fil-qosor l-‘istorja ta’ sostituzzjoni’ tal-kumpanija:
© Wirsig
Sehem ugwali għall-impjegati
Peress li l-applikazzjoni għall-premju ġiet issuġġerita minn impjegat, Mirka ddeċidiet li tagħti lil kull impjegat sehem ugwali mill-10,000 Ewro li jiġu mal-premju. Nittama li din hija storja ta’ ispirazzjoni li tista’ tiġi kondiviża.
Postijiet tax-xogħol ventilati minflok protezzjoni personali
Din is-sena minbarra r-rebbieħ, Amplifon Deutschland irċeviet tifħir għas-soluzzjoni teknika tagħhom matul l-aħħar pass tal-iffurmar tal-forom tal-widnejn għall-għajnuniet tas-smigħ fl-akkademja tat-taħriġ tagħhom. L-aħħar pass għall-għajnuniet tas-smigħ individwali huwa t-tħin tal-biċċa – li huwa assoċjat ma’ trab u storbju kif ukoll riskju għall-għajnejn minħabba biċċiet li jtiru. Dan kien jiġi solvut b’tagħmir protettiv personali fil-passat, iżda m’għadux meħtieġ minħabba l-postijiet tax-xogħol ventilati l-ġodda. Il-filmat finali jista’ jinstab hawnhekk:
© Wirsig
Jekk jogħġbok ispiraw ruħkom minn dawn is-soluzzjonijiet peress li jistgħu jkunu utli wkoll għal sustanzi perikolużi oħra! Jew is-soluzzjoni misjuba tista’ tiġi trasferita għal postijiet tax-xogħol simili.
